13k+ testi hip hop italiani.

SETO QUANTI
Herman Medrano

♥ 1205

STO POSTO ME VA STRETO, PAL MOMENTO PERÒ XE QUESTO
GHETO SOGNI NEL CASSETO? MI GHE N’O UN ARMADIETO!
ME FASSO UN VIAJIO DENTRO, CHE A VAGA COME CHE A VAGA
CO NDARÒ IN CÙEO AL MONDO, TE VEDARÈ CHE EL CAGA
MI TE DAGO NA BOTA DE ROBA, TI BEVETE A SOITA BRODA
TI ANCORA CO A BOSSA NOVA, MI XA CO A BOSSA VODA
MA GHE XE DEI MOMENTI RARI, DOVE CHE SE TE VOI TE IMPARI
NO OCORE PROVARLE TUTE, MA BASTA NO TE TE SARI
SETO QUANTI GA PORTE BLINDAE, L'INDIFARENSA NA EPIDEMIA
MORE UNO MAI VISTO PRIMA E STAVA DRIO DE CASA MIA
E NO BASTA PI DIRE BASTA PA CAVARSEA A BON MARCÀ
SERTE ROBE QUA VAE PAR TUTI FIN CHE TE TIRI EL FIÀ
SETO QUANTI NO SE FA DOMANDE PUR SAVENDO COME DIRLE
SETO QUANTI CHE DA RISPOSTE CHE BISOGNARÌA CAPIRLE
E MI SO CHE TI TE CAPISSI SE I TO OCI FA SCINTILLE
MI SO CHE TE TE IMPISSI, LO VEDO DAE TO PUPILLE
GO RIME PA 10 DISCHI, STA ROBA XE PROPEDEUTICA
PI FASSO PENSIERI DE MERDA PI SCRIVO CANSON SO Eà CARTA IGIENICA
NO MINACCIO NALTRO DISCO, CRESSO E M’INACIDISSO
MISC-CIO QUEO CHE RIESCO E RIS-CIO UN MIX MASSA FISSO
MI ME ESPRIMO CO E RIME COME COI COLPI DE BAIJE
MA CO A TERA XE MASSA DURA NO SE BUTA SEMESSE E CONCIME,
CAMBIARE NO SE NE PARLA? VARDA EL TEMPO NO TE SPETA
NO SE INCALMA SO NA RAMA CHE ORAMAI XE QUASI SECA

SCOLTARSE E INCOLPARSE XE DISTANTE DAL IUTARSE
FARSE FALSE DOMANDE XE EÀ COSTANTE DEE FARSE
SE STÙA STE CANDEE E SE NE INPISSA UNA GRANDE
CHE FA LUCE E NE CONDUCE A NO FARSE PIÙ DOMANDE

E POE CAPITARGHE A TUTI DE SBRISSARE SO A VERITÀ
SETO QUANTI CHE SE RIALSA COME SE GNENTE FOSSE STA?
SETO QUANTI CHE NO GA SANGUE, MA GHE SCORE DENTRO L’ODIO?
SETO QUANTI CHE AL POSTO DEL CUORE GA NA MASENA DE FRANTOIO?
QUA I SORRISI XE CUSSì AMICHEVOI, MI SBRISSO COME I SIéVOI
VEDO FACE E TEMPI MUTEVOI, TI COME TE TE REGOI?
MAESTRI ABOMINEVOI, DISCEPOI FRA I DEBOI
NEI SECOI DEI SECOI TE TE CATI CHE TE TREMOI
SETO QUANTI VOE CALCOSSA DE CUI NO DOVER DUBITARE
CONSOEARSE CO I XE VECI CO NA IDEA DA SBANDIERARE
DE SICURO MAI STA PEXO DE CO PESO EL TENPO SPESO
PA CAPIRE QUANTO CHE DURA STA ETà CIAMÀ “DE MESO”
EL SASSETO SO NA SCARPA SETO QUANTI NE MANDA IN PARA?
VARDA DENTRO SO E MIE GO ALMANCO DO CAMION DE JARA
METEMO STE ROBE IN CIARO, VARDA CHE MI EL CÙEO ME O PARO
TI FATE RAQUANTE CASSADE TIPO I LADRI DA PONARO
CHE A TE VA BEN NA VOLTA, E DO E TRE, E ANCA QUATRO E SINCUE
MA QUÈO CHE VA BEN, DOPO, BEN, CHI EÒ DISTINGUE?
DA UN TOCO NO GO FIDUCIA, NEL’OMO E NEI SO INTENTI
RAPORTI CONTUNDENTI, EL MATUME DE SERTE MENTI
SETO QUANTI SE CURA DEL CORPO, IN UN MODO QUASI MORBOSO
SETO QUANTI GA PAURA DEL DOPO QUINDI PREGA CUALSIASI COSO
EL ME TESTAMENTO BIOLOGICO? DO FLEBO DE RABOSO
E PAR PIASSERE QUANDO CO MORO MASENèME COL CEROSO

SETO QUANTI — Herman Medrano
inserito da ATILLIO

x chiudi

Login

Puoi loggarti usando Twitter oppure Facebook.
Non useremo i tuoi dati per spammare sulla tua timeline.


Twitter Facebook