13k+ testi hip hop italiani.

VA LAVORARE
Herman Medrano

♥ 1331


RIT.
TE GHE DITO DE TUTO, TE GHE FATO DE TUTO
MA ‘NDARE LAVORARE TE PAREVA TANTO BRUTO?
VA LAVORARE, SERCA DE MOVETE
VA LAVORARE, TESTA DA EBETE
VA LAVORARE, SEGUI L’INVITO
VA LAVORARE TESTA DA PITO

TE GHE DITO MI SO RICO QUINDI BEVO WHISKY & SODA
TE GHE CONPRÀ UN FERARI COL MOTORE DE NA SKODA
CHE TANTO VA DE MODA, OGNI MESE ROBA NOVA
TE GHE EÀ FORSA DE VOEONTÀ DE UN CRICETO SO NA RODA
TE GHE FATO LANPADE E SOPRACIGLIA A GIOSSA
MA E TOSE CO E TE VEDE E CIAPA A RINCORSA
TE SI STA IN CROASSIA SO UN CANPO DE NUDISTI
SCOTANDOTE EÀ BROCA E ALTRI POSTI MAI VISTI
TE GHE DITO FASSO YOGA PA INPARAR L’AUTOCONTROEO
EL MAESTRO TE DA EL CONTO E TI TE O CIAPI PAL COEO?
TE GHE DITO VADO IN INDIA PA RITROVAR ME STESSO
E IN PARCHEJO IN AEROPORTO XA TE TE GAVEVI PERSO
TE GHE DITO SO A DESTRA, PO A SINISTRA PO AL CENTRO
MA QUEO CHE TE INTARESSA XE COMUNQUE STARGHE DENTRO
TE SI STA CO I LEGHISTI, CO I FORSISTI E I COMUNISTI
E EL PARTITO DEI TASSISTI? NO MOEARE INSISTI
TE SI STA VEGETARIAN E TE MAGNAVI ERBA COTA
TE GO CATÀ DE NOTE DE SCONDON DA MC DONALD
TE ‘NDAVI IN PAESTRA PERCHÈ LA TE RESTI IN FORMA
MA EÀ PANSA NO VA XO, TE BEVI PI DE NA GRONDA
TE GHE DITO GO A MOROSA MA EÀ ABITA LONTAN
TE SI STA VIA 3 GIORNI E TE TE GHE PINCIÀ UN CAN
TE GHE E MAN CO E VESSIGHE, PENSANDO A TO AMIGHE
MA GNANCA SO MYSPACE NO TE RANCURI FIGHE

TE GHE DITO CHE ORAMAI TE GHE SMESSO CO A DROGA
FA FIGO FRA I ARTISTI, MA CHI LO FA NO XOGA
E TE GHE FATO FOTO FAXENDO A FACIA PERSA
E PA UN PARO DE CANONI TE NE VIEN TACARE A PESSA?
TE GHE LETO EL FUTURO DENTRO I FONDI DE CAFÉ
E ANCA EÀ CONTROPROVA SO E BUSTE DEL THE
QUINDI VENARE IN MOSCHEA E AL SABO IN SINAGOGA
TRE MESSE DE DOMENEGA, IERA MEJO EÀ DROGA
TE GHE TOLTO EL FUORISTRADA PRONTO PA L’AVENTURA
TE TE SI SLOGÀ NA SPÀEA METENDOTE A SINTURA
E PARTIO COL BLOCASTERSO GIRANDO PA ROVERSO
VARDANDOTE PENSAVO: COME CASSO SITO MESSO?

TE GHE DITO MI NO FASSO NA PENSION INTEGRATIVA
FASSO NERO, SPENDO TUTO E IN PÌ EVADO L’IVA
TE GHE FATO EL CONTO ONLINE, COME I FUSSE IN LIECHTENSTEIN
COME TE GHE MESSO A PASSWORD TE I GAVEVA XA CIAVÀI
TE GHE DITO: CO I SOGNI STAVOLTA FASSO EL BOTTO
GO UN SISTEMA STRASICURO DA XOGARE AL LOTTO
5 EURO SOL 5, 5 RODE PA UN MESE
MA DOPO EL PRIMO COLPO NO TE CIAPI GNANCA E SPESE
TE GHE DITO MI ME BEVO OGNI ROBA TANTO TEGNO
TE GHE TOLTO NA BIRETA E TE PAREVI DE LEGNO
TE GHE CONPRÀ A MOBILIA DA MONTARE DEI SVEDESI
TE DORMI SORA UN LETO DE CARTONI DA OTO MESI

VA LAVORARE — Herman Medrano
inserito da ATILLIO

x chiudi

Login

Puoi loggarti usando Twitter oppure Facebook.
Non useremo i tuoi dati per spammare sulla tua timeline.


Twitter Facebook