13k+ testi hip hop italiani.

Nugoro
Menhir ft. Federica Gallus

♥ 4283

Soe creschiu caminande in custas carrerasa
In bichinaos e prattasa nugoresasa
E a sos chi mi dimandana dae ube benzo e chie soe
Rispondo chi soe nugoresu de nugoro!

MOMAK:
Custa est pro nugoro mama de cada cantone chi iscribo
de cada contu chi conto de cada tassa chi bibo
de cada rima chi serro de cada base chi pisto
de sa limba chi faveddo de sa domo in ube isto
sa nugoro de eris cussa chi ma bidu creschere
cussa chi appo serrau a lucchette in coro pro sempere
sa nugoro chi banto in cada locu a arta boche
mama de chie est nachiu paschiu creschiu inoche
sa nugoro in iberru nibada in istiu brusiada
cussa de zente mala isfidiada chi zirat armada
cussa chi at connottu s'odiu ma cheret amore
cussa chi est mudada meda dae cando fippo minore
et commo chi apereo sa bentana de domo et pompio iffora
pesso a issa comente siete una sennora m'abbizzo
canta est galana et cantu so istau fortunau
de aere custu sambene e l'aere rappresentau
custa est pro tottu sas bortas chi fieru mi so intesu
de negossiare in sardu chi'n s'azzentu nugoresu
in mesu asos amicos chi m'an sempere diffesu et cumpresu
chi'n piachere in tzilleri mi so trattesu
m'allugo una zicca saludo ghiro in bichinau
mi firmo a pompiare sos murales chi an pintau
sa luche et s'impuddile m'accumpazzat in sa janna
solu durches paragulas pro tene mama manna..
Soe creschiu caminande in custas carrerasa
In bichinaos e prattasa nugoresasa
E a sos chi mi dimandana dae ube benzo e chie soe
Rispondo chi soe nugoresu de nugoro!
KINGAIE’:
Chin tottu s’affettu, Nugoro, custa cantone este pro tene
pro ti narrere sinzeru, chi abberu ti cherio bene!
ti lu deppo pro sos durches ammentos de pitzinnia
chi tue m’hasa pintau chin sas menzus tintas chi haias
t’appo torrau s’amore e su profundu sentimentu
cando appo iscrittu Nugoro in cudd’artu muru‘e tzimentu
inube cada manzanu colabo pro andare a iscola
chin su walkman alluttu e s’urtima mea cantone noba
su pessamentu bolat e che abba e ribu mi trisinat
in cuddos ammentos de cando istabo in bia Mughina
fippo galu minore ma est incue chi appo cumpresu
chi no est dae su sambenau chi si biete su nugoresu
ma dae su sensu de appartenenzia a custa zitade
pro custa limba e pro custa manna comunidade
de zente chi appo perdiu o zente chi si ch’est andada
zente chi est abbarrada e a fiancu meu est sempere istada
dae sa punta ‘e su monte Ortobene t’appo ammirada
In cussas nottes craras tottu canta illucherada
chin seuna e su nurache, santu predu e pred’istrada
bibende intro ‘e unu zilleri chin sa serranda abbassiada
m’ammento cada contu, cada locu, cada boche
cada cara de sas pessones chi appo connottu inoche
in su bene e in su male ses unu donu de deu
custu ti cherio narrere, Nugoro, sambene meu!
Soe creschiu caminande in custas carrerasa
In bichinaos e prattasa nugoresasa
E a sos chi mi dimandana dae ube benzo e chie soe
Rispondo chi soe nugoresu de nugoro!

Nugoro — Menhir ft. Federica Gallus

Inserito da Salvatore Seddone

x chiudi

Login

Puoi loggarti usando Twitter oppure Facebook.
Non useremo i tuoi dati per spammare sulla tua timeline.


Twitter Facebook