13k+ testi hip hop italiani.

Traballande
Menhir ft. Federica Gallus

♥ 5596

In fora est arbeschènde ma unu pessamentu t'at ischidàu
chin su piccu e su marrone deppes andare a traballare
e semper fachende abbarras die die incurbiàu
sudorande in sutta e su sole - ses istraccu de marrare
e colat su tempus, colat un attera istajone
istracca sa carena ma no mancat su coccone

oh oh oh oh oh oh oh oh una gherra est custa bida
oh oh oh oh oh oh oh oh balla no la binchet issa

Sa sardinia est una terra de zente chi traballat meda
de chie pro su dinare si ghettat fintzas a carrare preda
de chie brinchiat sa janna de dommo cando su sole est arbeschende
de chie arrimat a sero appustis de una die semper fachende
sa sardinia est una terra de zente chi no bi traballat
ca su dinare chi serbit inoche no bi zirat mancu a balla
s'unicu modu est a sichire a gherrare ca custa est sa bida
chi solu tue podes mudare si cheres, omine ischida

Sa sardinia est una terra imbidiada pro sa bellesa
pro su binu, sa petta, su casu de sa nostra mesa
pro sa nostra cuntentesa sa manna ospitalidade
si si tratta de traballu, sa fortzia e sa bolontade
ma de custa calidade no nde amus pottiu godire
ca su mere istranzu est resessiu a nos futtire
dae su tempus de jaju, fintzas a custa mea zenia
amus incurbiau s'ischina pro unu punzu e frichinias

In fora est arbeschènde ma unu pessamentu t'at ischidàu
chin su piccu e su marrone deppes andare a traballare
e semper fachende abbarras die die incurbiàu
sudorande in sutta e su sole - ses istraccu de marrare

E non si podet cantzellare sa beridade e s'istoria
ca su bentu chi sulat la sarbat in sa memoria
fattas de fertasapertas e de abùsos chi duran dae meda
fravicamus palattos ma istamus in dommos de preda
tottu sa bida intrèga paschende sa roba anzena
pro s'abitzare in betzesa chi no nde baliat sa pena
bastabat carchi bardàna e fit pesau su masone
ca una bida e terracu est che a una bida in presone

Pro custu toccat de abochinàre pro si facher ascurtare
ca su traballu est unu dirittu chi nos cheren bocare
dae sas fabricas a sos cantieris est tottu unu isfruttamentu
zente chi arribat a fine mese chin su pessamentu
de pacare tottus sos buffos chi s'istadu l'at impostu
gherrare contra de su potere est dovere nostru
pro sarbare cust'isula, sanare sa sotziedade
ube medas familias istan in povertade

In fora est arbeschènde ma unu pessamentu t'at ischidàu
chin su piccu e su marrone deppes andare a traballare
e semper fachende abbarras die die incurbiàu
sudorande in sutta e su sole - ses istraccu de marrare
e colat su tempus, colat un attera istajone
istracca sa carena ma no mancat su coccone

oh oh oh oh oh oh oh oh una gherra est custa bida
oh oh oh oh oh oh oh oh balla no la binchet issa

Traballande — Menhir ft. Federica Gallus
inserito da Crosta

x chiudi

Login

Puoi loggarti usando Twitter oppure Facebook.
Non useremo i tuoi dati per spammare sulla tua timeline.


Twitter Facebook